Las cundiziuns d'admissiun dependan dal gener da la furmaziun supplementara. Per la gronda part da las purschidas da furmaziun supplementara na datti naginas cundiziuns d'admissiun spezialas. Cundiziuns d'admissiun spezialas pon valair tar tscherts programs da furmaziun supplementara da scolas autas (Master of Advanced Studies [MAS], Diploma of Advanced Studies [DAS], Certificate of Advanced Studies [CAS]) u da scolas spezialisadas superiuras (studis da diplom supplementar). En quest connex vegn per regla pretendì in diplom da scola auta u ina furmaziun preliminara equivalenta.